Жаңалықтар

16.02.2026 «Қауіпсіз қоғам: Құқықтық тәртіп және әлеуметтік жауапкершілік» тақырыбында 10-сыныппен сынып сағаты өткізілді. Сынып сағатының негізгі мақсаты: Қауіпсіз қоғам қалыптастыру, құқықтық тәртіпті сақтау және әр азаматтың әлеуметтік жауапкершілігін арттыру арқылы заң үстемдігін қамтамасыз ету. Нақтырақ айтқанда: Азаматтардың құқықтық сауаттылығын арттыру. Заңды құрметтеу мәдениетін қалыптастыру. Қоғамдық тәртіпті нығайту. Әр адамның өз іс-әрекетіне жауапкершілікпен қарауын дамыту Сынып жетекшісі: Ахметов Думан #адал_азамат

16.02.2026 Тақырыбы: «Қауіпсіз қоғам. Мен сақ болсам – бәрі қауіпсіз» 16.02.2026 жылы 4 сыныпта «Қауіпсіз қоғам. Мен сақ болсам – бәрі қауіпсіз» тақырыбында сынып сағаты өткізілді. Сынып сағатының мақсаты – оқушыларға қауіпсіз қоғам ұғымын түсіндіру, жеке қауіпсіздік ережелерін сақтаудың маңызын ұғындыру және әр адамның жауапкершілігі арқылы ортақ қауіпсіз орта қалыптастыруға тәрбиелеу. Іс-шара барысында оқушыларға қоғамдық орындардағы, жолдағы, мектептегі және интернеттегі қауіпсіздік ережелері туралы ақпарат берілді. Төтенше жағдай кезіндегі әрекет ету жолдары түсіндірілді. Оқушылармен пікір алмасу, сұрақ-жауап, жағдаяттық тапсырмалар ұйымдастырылды. Сынып сағаты барысында оқушылар қауіпсіздік ережелерін қайталап, өз өмірі мен денсаулығына жауапкершілікпен қарау керектігін түсінді. Белсенді қатысып, өз ойларын еркін жеткізе білді. Қорытындысында оқушылар қауіпсіздік ережелерін сақтау – әр адамның міндеті екенін және «Мен сақ болсам – бәрі қауіпсіз» қағидасының маңызын ұғынды. Сынып жетекшісі: Байдаулетова А.И. Күні: 16.02.2026 жыл

16.02.2026 «Қауіпсіз қоғам. Мен сақ болсам – бәрі қауіпсіз» тақырыбында 1-сынып оқушыларына арналған тәрбие сағаты өткізілді. Тәрбие сағаты барысында оқушыларға қауіпсіздік ережелерін сақтау, өз өмірі мен айналасындағылардың амандығына жауапкершілікпен қарау туралы түсіндірілді. Сабақ қызықты әңгіме, сұрақ-жауап және жағдаяттық тапсырмалар арқылы ұйымдастырылды. Оқушылар күнделікті өмірде кездесетін қауіп-қатерлерден сақтану жолдарын үйреніп, қауіпсіз жүріс-тұрыс ережелерін есте сақтаудың маңызын түсінді. Тәрбие сағаты балалардың танымдық қызығушылығын арттырып, қауіпсіздік мәдениетін қалыптастыруға ықпал етті. Сынып жетекшісі: Иманжүсүп Б.Т. #адал_азамат

16.02.2026 Ақмола облысы білім басқармасының Астрахан ауданы Өндіріс ауылының ЖОББМ» КММ-сі 2026 жылғы 1-31 наурыз аралығында «Ақмола облысы білім басқармасының Өндіріс ауылының» КММ-сі ресми интернет-ресурсында 2025 жылғы мемлекеттік қызметтер көрсету саласындағы қызметі туралы есептерін қоғамдық талқылау өткізілетінін хабарлайды. Жоғарыда айтылғандарға байланысты барлық ниет білдірушілерді талқылауға белсенді қатысуды сұраймыз.

13.02.2026 Қазақстан Республикасының жаңа Конституциясының жобасы және кешенді реформалар тақырыбында тарих пәні мұғалімі Ищанов Ерлан Мұратұлы мұғалімдердің қатысуымен мазмұнды отырыс өткізді. Кездесу барысында конституциялық реформалардың негізгі бағыттары, білім беру саласына ықпалы және оқу-тәрбие үдерісінде жүзеге асыру жолдары жан-жақты талқыланды.Қатысушылар өз ой-пікірлерін ортаға салып,өзекті мәселелер бойынша пікір алмасты.

11.02.2026 Қазақстан Республикасының жаңа Конституциясының жобасы және кешенді реформалар тақырыбында директордың тәрбие ісі жөніндегі орынбасары Дәнекер Холганатқызы сынып жетекшілерінің қатысуымен мазмұнды отырыс өткізді. Кездесу барысында конституциялық реформалардың негізгі бағыттары, білім беру саласына ықпалы және оқу-тәрбие үдерісінде жүзеге асыру жолдары жан-жақты талқыланды.Қатысушылар өз ой-пікірлерін ортаға салып,өзекті мәселелер бойынша пікір алмасты.

10.02.2026 10.02.2026ж «Ақмола облысы білім басқармасының Астрахан ауданы бойынша білім бөлімі Өндіріс ауылының жалпы орта білім беретін мектебі» КММде «Жасанды интеллектке негізделген ынтымақтастық пен көшбасшылық: шағын жинақталған мектептерде білім алушылар мен педагогтердің әл-ауқатын арттыру» тақырыбында семинар өтті. Семинардың мақсаты – шағын жинақталған мектеп жағдайында білім алушылар мен педагогтердің физикалық, психологиялық және әлеуметтік әл-ауқатын арттыруға бағытталған тиімді педагогикалық тәжірибелерді тарату, мұғалімдер арасындағы ынтымақтастық пен көшбасшылық қабілеттерді дамыту. Семинарда өткізілген сабақтың тақырыптары мен жауапты мұғалімдер: «Басқалармен ынтымақтастық және көшбасшылық. Эстафеталық ойындар» Дене шынықтыру пәнінен 4-сынып Ильдебаев Темірлан, “Weather conditions” ағылшын тілі пәнінен 6-сынып оқушыларымен Жапаров Арман, «Ондық бөлшекті натурал санға көбейту. Ондық бөлшектерді көбейту» Математика пәнінен 5-сынып оқушыларымен Тынысбекова Жансая, «Заманауи геосаяси үдерістер» география пәнінен 11-сынып оқушылармен Холганат Данекер,«Атмосфералық қысым. Атмосфералық қысымды өлшеу» физика пәнінен 7-сынып оқушыларымен Қалдыбек Айсана, «Гиподинамия. Сымбаттың бұзылуы және жалпақтабандылықтың алдын-алу» Биология пәнінен 8-сынып оқушылары Сатемиров Серік,«Келтіру формуласы» алгебра пәнінен 9-сынып оқушыларымен Келденбек Досбол ашық сабақтар өткізді. Семинарға аудандық білім бөлімінің әдіскерлері және аудан бойынша қазақ тілді 7 мектептен 20 шақты ұстаз қатысып, семинардың мазмұны мен өткізілу деңгейіне талдау жасап, өте жоғары дәрежеде өткені туралы ойларын білдіріп, кері байланыс жасап кетті. Семинар өз мақсатына жетіп, қатысушыларға кәсіби тұрғыда үлкен әсер қалдырды. Семинардың соңында өткізілген психологтың жұмысы да өте жоғары дәрежеде өтіп, келген қонақтарға жақсы көңіл күй сыйлады. Семинар соңында барлық қатысушыларға сертификаттар табысталды.

09.02.2026 Мұқағали Сүлейменұлы Мақатаев 9 ақпан 1931 жыл — 27 наурыз 1976 жыл Алматы облысы, Райымбек ауданы (бұрынғы Нарынқол) Қысқаша өмірбаяны Мұқағали Мақатаев — лирик ақын, жазушы, аудармашы. Ол қазақтың жанын, тағдырын, махаббатын, мұңын, туған жерге деген сүйіспеншілігін өлеңмен өте терең жеткізе білген. Ақынның балалық шағы қиын кезеңге — соғыс жылдарына тұспа-тұс келді, бұл оның шығармашылығында анық сезіледі. Шығармашылығы Мұқағали поэзиясының басты тақырыптары: адам өмірі мен тағдыры махаббат пен сағыныш туған жер, ел, Отан ана образы уақыт пен өмірдің мәні Белгілі өлеңдері мен жинақтары: «Аққулар ұйықтағанда» (поэма) «Фариза, Фариза» «Сенің махаббатың» «Өмірдастан» «Шуағым менің» Аудармашылық еңбегі Мұқағали әлем әдебиетінің классиктерін қазақша сөйлеткен: Уильям Шекспир Данте Алигьери («Құдіретті комедия») Уолт Уитмен Ерекшелігі Мұқағали: өлеңді шын жүректен, жасандылықсыз жазды халық тілімен, қарапайым әрі терең оймен сөйлей білді көзі тірісінде толық мойындалмаса да, кейін халық ақынына айналды. Ақынның туғанына 95жыл толуымен құттықтаймыз.

09.02.2026 "Телефон емес – достармен ойын" тақырыбында тәрбие сағаты өткізілді. Мақсаты: Оқушыларды ұялы телефонды шамадан тыс пайдаланбауға үйрету, бос уақытты тиімді әрі пайдалы өткізуге бағыттау. Достарымен бірге ойнаудың, тірі қарым-қатынастың маңызын түсіндіру, бір-бірімен ынтымақтастықта әрекет етуге, ұйымшылдыққа, сыйластыққа тәрбиелеу. Қозғалыс ойындары арқылы оқушылардың белсенділігін арттырып, салауатты өмір салтын қалыптастыру. 4-сынып Сынып жетекшісі:Байдаулетова А.И. #адал_азамат

09.02.2026 «Өндіріс ауылының жалпы орта білім беретін мектебі» КММ 6-сынып оқушыларына арналған "Лудомания - ғасыр дерті" тақырыбында сынып сағаты өтті. Іс-шара барысында оқушыларға ойынға тәуелділіктің мәні, оның зияны мен салдары түсіндірілді. Сынып сағаты кезінде балалар өз ойларымен бөлісіп, сұрақтар қойды. Шараның мақсаты – оқушылардың бос уақытын тиімді пайдалануына және салауатты өмір салтын ұстануына ықпал ету. Сынып жетекшісі: Нурдхан А. #адал_азамат