2025–2026 оқу жылында «Өндіріс ауылының ЖОББМ» КММ жұмыс жоспарына сәйкес өзара ынтымақтастықты жүзеге асырды. Негізгі мақсат – педагогтерге әдістемелік қолдау көрсету, тәжірибе алмасу арқылы білім сапасын арттыру және кәсіби қауымдастық қызметін дамыту болды. Жыл бойы жоғары білім көрсетіп, қоғамдық жұмыстарға белсенді қатысып, мектептің қоғамдық өмірінде көшбасшылық танытып, пәндік олимпиадаларда, шығармашылық және спорттық сайыстарда жетістіктерге жеткені үшін «Үздік оқушы» номинациясымен 8-сынып оқушылары – Қайрат Ақерке Русланқызы мен Сакенова Балауса Мейржановна марапатталды. Оқушылардың жан-жақты дамуына үлес қосып, сынып ұжымын бірлікке, жауапкершілікке тәрбиелеген, ата-аналармен тығыз байланыс орнатып, тәрбие жұмысында жоғары нәтижелерге қол жеткізгені үшін «Үздік сынып жетекшісі» номинациясымен Иманжүсүп Ботагөз Темірбекқызы марапатталды. Әдістемелік жұмысты тиімді ұйымдастырғаны, педагогтердің кәсіби дамуына қолдау көрсеткені, тәжірибе алмасу мен инновациялық идеяларды енгізуге ықпал еткені, білім сапасын арттыру бағытындағы нәтижелі қызметі үшін «Үздік әдістемелік бірлестік жетекшісі» номинациясымен Сатемір Айзира Қаржауқызы марапатталды. Оқу ісінің меңгерушісі: Р.Ә.Рамазан
03.06.2026
Просмотров: 753